GANETŠA DIKGARURU
Dikgaruru kgahlanong le batšwantle ke bosenyi!
Mmušo o ka se dumelele mokgwa ofe goba ofe wa dikgaruru kgahlanong le mang goba mang!
A re šomeng mmogo go dira bophelo bjo bokaone go batho ka moka bao ba dulago ka Afrika Borwa.
A re šomeng mmogo go aga mabokgoni a rena le go hloma mešomo.
A re šomeng mmogo go fenya bosenyi.
A re hlompheng batho ka moka bao ba etelago goba bao ba dulago ka Afrika Borwa.
Ge e le gore o tseba ka ga ditlhaselo dife goba dife tše di rulagantšwego kgahlanong le batšwantle bao ba dulago ka Afrika Borwa, o kgopelwa go letšetša seteše sa maphodisa sa kgauswi mogala goba ge go na le maemo a tšhoganetšo letšetša 10111.
GANETŠA DIKGARURU
ARE ŠOMENG MMOGO GO THIBELA DIKGARURU
KGAHLANONG LE BATŠWANTLE
Ditlhaselo tša dikgaruru go batšwantle bao ba dulago ka Afrika Bo-rwa di ka se hole motho. Batho bao ba hlokago molato gantši e ba batšwasehlabelo - basenyi gantši ba a phomelela. Moo o tsebago gore go na le ditiro tša dikgaruru - di bege go ba taolo. O se ke wa itšeela molao ka matsogong.
Mmušo o ipiletša go ditšhaba gore di hlokomele kudu gomme di bege ditiragalo dife goba dife tše di rulagantšwego tša dikgaruru le tša twantšho ya batšwantle.
Go swara Sebjana sa Lefase sa FIFA sa 2010 go dirile gore go be le seswantšho se sekaone ka ga Afrika Borwa le khonthinente setšhabeng sa boditšhabatšhaba. Naga e itemogetše koketšego ye kgolo kudu ya palo ya baeng bao ba etelago naga ye gomme se sa kaonafatša bokgoni bja yona bja dipeeletšo gomme go realo e le gore go tla hlongwa mešomo.
Dikgaruru dife goba dife ka nageng ya rena di tla bušetša morago dipoelo tše re di dirilego ka go swara Sebjana sa Lefase. Lefase le re lebeletše kudukudu bjale.
Dikgaruru ga di ke di eba tharollo.
